刘德华 饮水前试水温
华仔咁多年身形好都弗，为保持身材，曾于访问中表示，早餐只食麦片粥同蔬菜沙律，就连饮水都要先试下水温：「廿多年来从冇饮过冻水，亦唔饮太热嘅水，只饮暖水。」另外，华仔更自爆唔食任何奶製食物，「我亦唔饮奶，对奶製品敏感，只要食物加咗奶，食完之后心情就会变得好差！」
房中冇镜
大家可能认为一向型爆嘅华仔，一定好贪靓，而且家中肯定摆满镜子，咁就错喇！佢表示：「唔係怕镜会破坏房间风水，而係怕我半夜起身时，惊吓亲自己。」睇唔出华仔咁细胆！
周星驰 怕黑
据知周星驰瞓觉一定要开灯，原来佢劲怕黑！就连星爷好友田启文亦笑言：「周星驰係好怕黑，一到夜晚就要搵人陪。」
谢霆锋 唔洗头
唔知係咪谢霆锋实在太忙，又要拍戏及兼顾自己生意王国，所以连洗头时间都冇！妹妹婷婷曾笑言哥哥係「有机人」，因为水都唔用，甚至唔锺意冲凉同洗头： 「有时想贴近佢， 但谂起佢冇洗头， 我就弹开，不过冇臭味。」
周杰伦 唔着底裤
周杰伦曾于节目《康熙来了》自爆平日不爱穿内裤，只会到演唱会时先着！期间更表示细个已经习惯唔着，而主持蔡康永问他现场係咪都係冇着，周董坦言係！好奇嘅小S即上前检查，发现周董冇讲大话！据知周董唔着内裤原因，就係「因为舒服，所以不爱穿」咁简单。
曾志伟 一丝不挂开大
谭咏麟曾于内地节目中爆料，指好友曾志伟原来有洁癖！有次阿伦同志伟去台湾工作，得知志伟于厕所后，谂住踢开厕门整蛊对方，点知一踢开后，见到志伟一丝不挂正在大便，吓到O嘴，先知志伟有洁癖！
阮经天 唔洗牛仔裤
台湾型男阮经天平时爱穿牛仔裤，曾表示：「牛仔裤是能不洗最好，我通常要到实在受不了它的气味后，才拿去洗。」更自爆自己有一条牛仔裤5年都冇洗过，就係为了保证佢原汁原味，哗，仲係咪原汁原味唔知，分分钟可能有臭味！此外，佢同周杰伦有同样怪癖，就係爱唔着底裤！
罗志祥 坐低小便
罗志祥原来有超级洁癖，就係同女性一样，坐低小便！原因係小猪可能觉得咁样能保持马桶周围乾净，更加唔会整湿自己衫裤或双腿！连佢经理人都觉得匪夷所思：「明明是个大男人，他却坐着尿尿，就怕把马桶边弄髒了。」
锺情小脚女生
有传小猪亦有另一癖好，就係锺情双腿修长兼拥有小脚板嘅女生！而佢亦曾表示择偶条件係一定要有一双乾净漂亮美腿，睇嚟传闻係坚喎！
如欲率先接收资讯，请讚好我们的FB专页并于「已讚好」选单设定「抢先看」，多谢支持。
网址